Жињак го спаси Марсеј, Лил го напаѓа Нант

Без победник, но со по еден погодок во двете мрежи, заврши премиерниот натпревар од 29. коло во француската Прва лига, дуелот помеѓу екипите на Римс и Олимпик од Марсеј.

Домаќинот дојде во водство со погодокот на Антоние Деваух во 67 минута, а израмнувачкиот погодок, постигнат во 80 минута беше дело на препрезентативецот на Франција, Пјер-Андре Жињак.

Од денешните шест натпревари, убедливо најголемо внимание привлекува дуелот помеѓу екипите на Лил и на Нант.

Фудбалерите на Лил имаат обврска да ја искористат предноста на домашниот терен и така да останат во игра за третата позиција на табелата која гарантира настап во последното квалификациско коло од Лигата на шампиони, додека гостинот се уште е во игра за едно од трите места кои водат во групната фаза од Лигата на Европа.

Денеска на програмата: Лил – Нант, Ајачио – Генгамп, Евиан – Валенсиен, Ница – Бастија, Рен – Тулуз, Сошо – Лориен.

Доколку преземете содржина од оваа страница, во целост сте се согласиле со нејзините Услови за користење.