Џенифер Лопез е позната по својот раскошен стил, а во однос на раскошноста не заостанува ниту нејзиниот дом.
Луксузниот дом во Холивуд таа го купи во 2010 година со тогашниот сопруг Марк Антони за 8, 2 милиони долари, но откако се разведе од него, таа ја стави вилата на аукција преку агенцијата за недвижности Вариети.
Нејзината вила има повеќе од 17 илјади метри квадратни! Има дури девет спални соби, пространа соба за танцување, теретана, кино сала со 20 седишта, осум камини и професионално студио за снимање. Но тоа не е се! Надвор може да се ужива во големата уредена градина, секако со базен и скара.
Ниту паркингот не е само обично место за паркирање. Во гаражата има место за осум автомобили и 20 мотори. Иако таа плати многу помалку за оваа вила, имотот во моментов достигна цена од дури 17 милиони долари, а единственото прашање што се поставува во моментов е: Кој ќе биде новиот сопственик?