Вистинска златна грозница ја тресе планината Витош над Софија. Бреговите на потоците и реката на јужниот дел од планината се преполни со луѓе кои се опседнати со легендите и вооружени со лопати и прибор трагаат по злато.
Повеќето од нив, сепак пронаоѓаат само грам или два дневно, но се надеваат дека ќе пронајдат злато во огромни количини.
Надежта им се зголемува по секој обилен дожд, кој оваа планина ја прави бугарски Ел Дорадо.
Навистина на падините на Витош постојат неколку наоѓалишта на самородно злато, а во местото Диканит се наоѓаат и крупни парчиња.
Во коритата на некои потоци дури се пронајдени и примероци на злато преработено во древен накит. Грам чисто непреработено злато во златарите во Софија чини 25 евра, а обработените примероци завршуваат на црниот пазар, пишуваат бугарските медиуми.
