среда, 30 ноември 2016  |  Вести денес: 54

Злоупотреба за која Aгенцијата за медиуми молчи: ТВ спотови на Заев одат како прилози во вестите

zaev

Поврзани вести

Наместен, нашминкан, чита на телевизиски идиот, со додадена графика и наместено светло, лидерот на СДСМ, Заев си прави спотови, а македонските телевизии без мака ги емитуваат, пишува интернет порталот Курир.

Нема можност за потпрашања, ниту пак дообјаснувања, само она што СДСМ ќе го смисли, а телевизиите послушно ќе го пуштат. Иако рекламни спотови не се дозволени, спотови СДСМ си прави, а избегнува и новинарски прашања.

Ќе ги објави на сајтот, а дел од телевизиите без мака превземаат. Последен пример е денешниот каде Заев ветува гасификација. Снимен спот кој оди како прилог на повеќето телевизии.

Нашминкан, без можност новинари да му постават прашања:

„Зошто во Струмица и Куманово домаќинствара не се греат на гас и како гасот го носи Заев во Струмица кога нема изградено гасоводна линија“?

„ Дали воопшто знае дека примарната мрежа на гасовод Владата ја гради тековно“, „ Зошто струмичани плаќаат гас од општината поскап од струјата, кога се знае дека гасот е евтин енергенс“? Одговор нема, зошто нема можност за прашања.

Веројатно најмалку на таква слобода граѓаните мислеа кога СДСМ се трудеше да објасни дека има медиумски мрак.

Аналитичарите потврдуваат: Борбата на СДСМ за наводни слободни медиуми, е ништо повеќе туку борба за ставање рака врз медиумите. Се отиде дотаму што медиумите си објавуваат рекламни спотови и ги филуваат пред гледачите како прилози, новинарите наместо за информации се натпреваруваат кога побрзо ќе ја превземат готовата вест од сајтот, зошто нели минутите се важни.

Ниту ексклузивност ниту пак вест, телевизиите наивно влегуваат во кампањата и стануваат инструмент на политиката. А Агенцијата за медиуми молчи.

Искусните новинари велат, ова е сигурен начин за медиумска диктатура на СДСМ. Скандазлозно е лидерот на опозицијата што бега од медиуми, нашминкан да снима пред камери спотови кои подоцна се емитуваат како прилози. СДСМ не води борба за демократизација, туки за завладување на медиумите, додаваат новинарите.

Најчитани вести