Германската сојузна полиција регистрирала драстичен раст на нелегални влезови на мигранти во Германија преку границата со Швајцарија, денеска соопшти полицијата.
-Во јули од Швајцарија во Германија нелегално влегле 1.008 мигранти, а во јуни 1.065, што претставува значаен раст во однос на април, кога во Германија влегле 464 мигранти и мај, кога беа регистрирани 293 нелегални преминувања на границата, рече портпаролката на Сојузната полиција во штудгарт.
Најголемиот број мигранти кои нелегално влегле преку таа граница се со потекло од Еритреја, Гамбија и Етиопија, што укажува дека мигрантите доаѓаат преку средоземната бегалска маршрута.
Од Италија може се стигне во Германија и преку Австрија но, како што наведува агенцијата Хина, таа земја ја засили контролата на јужната граница па мигрантите сега се одлучуваат за маршрутата преку Швајцарија, која се уште не вовела засилени контроли.