10 милиони евра заем од ЕБОР за набавка на еколошки автобуси за Скопје

31

Со заем од Европската банка за обнова и развој (ЕБОР) ќе бидат набавени 35 нови автобуси на компресиран природен гас (КПГ) за Скопје како одговор на растечката побарувачка за почист и поодржлив јавен превоз. Новите автобуси ќе ги намалат емисиите на јаглероден диоксид најмалку 15 отсто.

Заемот во износ од 10 милиони евра ќе го подобри и модернизира работењето на автобусите, ќе го зајакне јавниот транспорт и ќе го подобри квалитетот на воздухот. Покрај набавката на КПГ-автобусите, кои ќе ги заменат постојните што работат на дизел-гориво, проектот ќе помогне во подобрување на работењето на самата компанија, Јавното сообраќајно претпријатие „Скопје“, кое е во целосна сопственост на Град Скопје, велат од ЕБОР.

Скопје е еден 20-те градови што се вклучија во Програмата за зелени градови на ЕБОР, под која 15 града веќе работат со одделни индивидуални акциони планови за зелени градови (АПЗГ). Набавката на новите автобуси е почеток на проектот од оваа програма за зелени градови на ЕБОР, во кој Град Скопје планира да се инволвира.

Доколку преземете содржина од оваа страница, во целост сте се согласиле со нејзините Услови за користење.