12 загинати и 40 повредени во ракетен напад врз азербејџанскиот град Ганџа

56

Ракетен напад е извршен синоќа еден час по полноќ врз вториот по големина азербејџански град Ганџа.

Во нападот загинале 12 луѓе, повредени се повеќе од 40 лица и причинета е значителна штета врз цивилна и транспортна инфраструктура, соопшти државното обвинителство на Азербејџан.

Истовремено, воени сили во Нагорно Карабах тврдат дека утрови биле гранатирани Степанакерт и Шуша, при што се повредени цивили.

Според азербејџанските власти, во нападот е причинета сериозна штета врз цивилна инфраструктура и сообраќајници.

Се додава дека Ганџа е нападната со ракети „Скад“ (Р-17) и тоа од територија на Ерменија, а ерменската страна ги демантира таквите наводи.

Во тек е спасувачка акција, со цел да се утврди дали има цивилно население под урнатините на зградите.

Доколку преземете содржина од оваа страница, во целост сте се согласиле со нејзините Услови за користење.