Под мотото „Биди добар како леб“ вечерва во Скопје ќе се одржи четвртиот по ред хуманитарен фестивал на лебот.
Фестивалот е во организација на хуманитарното здружение „Кралицата Есма и Стево Теодосиевски“ и балканската асоцијација за алтернативен туризам „Балканиа“, пренесува МИА.
На фестивалот, пекари и бурекџилници ќе ги донираат своите производи кои ќе бидат понудени на лицитација. Собраните средства ќе бидат наменети за децата без родители и родителска грижа од СОС Детското село и за Домот „11 Октомври“.
На оваа манифестација со свои специфични пекарски производи ќе бидат присутни и заедниците од Македонија, а учество најавија и неколку амбасади.
Одржувањето на манифестацијата е помогнато од Агенцијата за поддршка и промоција на туризмот.
