Претседателот на опозициската српска партија ,,Левица” Борко Стефановиќ , еден од основачите на Сојузот за Србија , Бобан Јовановиќ и членот на партијата , Марко Димиќ , брутално се претепани во Крушевац.
Според информациите од опозициската партија вечерва се претепани партиските лидери и еден член на партијата од непознати лица во центарот на Крушевац. Борко Стефановиќ со шипки бил тепан по главата и телото и поради сериозните провреди бил пренесен во Ургентниот центар.
Од Сојузот на Србија сметаат дека станува збор за политички реваншизам од членови на партијата на Александар Вучиќ. Тие требало да одржат трибина во Крушевац , кога биле нападнати од лица со качулки на главите.
Kukavički napad na @BorkoStef tokom tribine @SavezZaSRB u Kruševcu!!!! pic.twitter.com/xy7fUW3dWd
— Levica Srbije #mSRB_ (@LevicaSrbije) November 23, 2018
Јовановиќ и Димиќ се обиделе да го одбранат нападнатиот Стефановиќ , но и тие биле претепани. Јовановиќ има два скршени заба и пресечена уста , додека Димиќ има повреди на главата.
Група напаѓачи ги преретнала тројцата политичари , ги собориле на улица и почнале да ги тепаат со шипки по главите и телата.