Во последниот неделен натпревар од 31. коло на шпанското фудбалско првенство, Атлетик Билбао го совлада Рајо Ваљекано со 3:1, со што се зацврсти на четвртото место, последното место кое води во квалификациите за Лигата на шампионите.
Баскискиот тим дојде до важни бодови во борбата за Лигата на шампионите, иако почна лошо. Рајо поведе во 38. минута преку голот на Пате Сис, откако Педро Дијаз промаши пенал. Неговиот удар го одбрани Унаи Симон, но Сисе ја смести одбиената топка во мрежата. Домашните израмнија во 58. минута со голот на Оихан Санчето, а резултатот го сврте Нико Вилијамс во 80. минута. Конечниот резултат 3:1 го постави Сансет со својот втор гол во четвртата минута од судиското надополнување.
Во претходниот натпревар Реал Мадрид се мачеше да го совлада Алавес со 1:0 на гостински терен. Решавачкиот гол го постигна Едуардо Камавинга во 34. минута, погодувајќи од работ на шеснаесетникот на додавање на Федерико Валверде. Само четири минути подоцна „Кралскиот клуб“ остана со играч помалку откако Килан Мбапе беше исклучен поради грубиот фаул над Антонио Бланко. И домашните го завршија натпреварот со играч помалку, при што во 70. минута беше исклучен Ману Санчез, исто така поради тежок фаул.
Реал со оваа победа ја намали разликата од лидерот Барселона на четири бода заостанување. Алавес остана на 17-о место со 30 бодови, бод над безбедносната зона.
Осасуна ја совлада Жирона со 2:1, а првиот гол на натпреварот го постигна хрватскиот репрезентативец Анте Будимир. Ова е негов 16-ти гол во Ла Лига оваа сезона и моментално е трет стрелец во лигата. На врвот е напаѓачот на Барселона, Роберт Левандовски со 25 голови, додека Французинот Килијан Мбапе има постигнато 22 гола за Реал Мадрид.
Аимар Ороз нафрли од десната страна, а Будимир со убав удар со глава ги донесе домашните во водство. Осасуна во 79. минута дојде на чекор до победата. Овојпат асистент беше Будимир, а голот го постигна Пабло Ибанез. Во последните моменти од натпреварот гостите возвратија преку Јаспер Асприља. Жирона постигна уште два гола во текот на натпреварот, а Серхио Ерера постигна гол во 27. минута преку Арнаут Данџума и Кристијан Стуани во 68., но двата гола беа поништени по прегледите на ВАР.
Со оваа победа Осасуна ја прекина серијата од осум кола без победа и моментно го држи 12-то место со 38 бодови, додека Жирона е на 16-то место со 34 бодови, пет повеќе од зоната за испаѓање.
На табелата води Барселона со 70 бодови, Реал има 66, Атлетико Мадрид 60 и натпревар помалку, додека Атлетик Билбао е четврти со 57 бодови. Виљареал, кој се надева на пласман во Лигата на шампионите, го држи петтото место со 51 бод и натпревар помалку.
