Американскиот претседател Доналд Трамп, кој пристигна во Рим заедно со сопругата Меланија за да присуствува на погребот на папата Францискo, има намера да се сретне со италијанскиот премиер Џорџија Мелони, британскиот премиер Кир Стармер и украинскиот Владимир Зеленски, објави весникот „Ла Република“ во саботата.
Учеството на Зеленски на настанот беше доведено во прашање, но неговото име е присутно на ажурираниот список на делегации од различни земји што им го достави на новинарите прес-службата на Светата столица. Како што сугерира официјалната програма за посетата на Трамп, американскиот претседател ќе го напушти Рим веднаш по погребната миса во Ватикан попладне, објави весникот.
Престојот на Трамп во италијанската престолнина е ограничен на 15 часа. Се очекува тој да се сретне со Зеленски во резиденцијата на американскиот амбасадор во Вила Таверна, каде што престојува американскиот претседател.
Италијанските медиуми претходно објавија дека шефицата на Европската комисија, Урсула фон дер Лајен, исто така, се надева дека ќе се сретне со Трамп во Рим.
Се очекува на погребот на папата Францискo да присуствуваат неколку десетици шефови на држави и влади, актуелни монарси и религиозни личности.
