Потребна ни е промена на свеста, секој еден да тргне од себе, да се грижи за општото добро, за средината во која живееме, за природата кога ја посетуваме, напиша на Фејсбук градоначалникот на општина Ѓорче Петров, Александар Стојкоски.
-1-ви Мај и секоја друга прилика за излет, за жал е и можност да излезе на површина сето непочитување кон природата. Вредните пријатели од здружението Порака Неготино – Pоraka Negotino ангажирани преку општината, денес во Еко генералка во Кучково го собраа сиот смет од вчерашните активности. Овие е луѓе ја заслужуваат сета почит и поддршка и се пример за целата заедница, истакна Стојкоски.
