Претходно непозната руска хакерска група е одговорна за минатогодишните напади врз мрежите на холандската полиција, НАТО и неколку европски земји, тврдат во објавата во вторник холандските разузнавачки служби.
Групата, која во објавата е идентификувана како „Laundry Bear“ од безбедносните агенции, „многу веројатно е поддржана од руската држава“, соопштија холандските служби за општа разузнавање и воено разузнавање во заедничко писмо до парламентот. Евентуални докази не се презентирани во јавноста.
„Кибернетичките напади врз холандските институции се дел од поголема меѓународна кибернетичка закана што ја претставува хакерската група“, се вели во соопштението на службите за резултатите од нивната истрага.
Групата дејствувала незабележано сè додека не била откриена дека спроведува хакерска операција во септември 2024 година, со која успешно добила пристап до доверливи податоци за холандските полицајци, се вели во соопштението.
Групата „Laundry Bear“, исто така вршела сајбер шпионажа „врз компании кои произведуваат софистицирана технологија до која Русија е тешко достапна со оглед на западните санкции воведени поради војната во Украина“, соопштија агенциите.
„Истрагата, исто така, открива дека Laundry Bear е одговорна за сајбер операции против западните влади и други институции почнувајќи најрано од 2024 година“, се додава во соопштението.
Групата, според тврдењето на холандските служби, наводно се обидела да собере информации поврзани со „набавката и производството на воена опрема од страна на западните влади и испораките на западно оружје во Украина“.