Вимблдон го зголеми наградниот фонд за оваа година на 53,5 милиони фунти (72,59 милиони долари), што е за седум отсто повеќе отколку во 2024 година и двојно повеќе од она што го нудеа пред десет години, објави во четвртокот All England Lawn Tennis Club (AELTC).
Поединечните победници ќе добијат по три милиона фунти, што е за 11,1 отстот повеќе од наградниот фонд што го освоија Шпанецот Карлос Алкараз и Чехинката Барбора Крејчикова минатата година.
Тенисерките кои ќе бидат елиминирани во првото коло од натпреварувањето во поединечна конкуренција ќе добијат 66.000 фунти, што е за десет отсто повеќе од минатата година.