Шест лица од Скопје и Куманово беа фатени со шест килограми амфетамин и поголемо количество други психотропни супстанции во неколку претреси во двата градови во текот на вчерашниот ден, 3 јули, информираше Министерството за внатрешни работи.
Предистрагата за случајот траела 6 месеци. Полицијата ги уапсила лицата во координирана акција со Обвинителството. Дел од доказите биле обезбедени со примена на посебни истражни мерки.
Биле пронајдени околу шест килограми амфетамин, повеќе таблети и пакувања со растителна материја. Запленети се и други предмети, кои по налог на јавниот обвинител ќе бидат вештачени.
Полициските службеници од Бирото за јавна безбедност при МВР, координирано со Основното јавно обвинителство Скопје, поднеле кривична пријава против шест лица. Сомнежот е дека тие заеднички го вршеле делото – неовластено производство и трговија со наркотични дроги, казниво според член 215 став 3 од Кривичниот законик.
„Обвинетите се дел од организирана група што во подолг временски период набавувала, чувала и препродавала амфетамин и МДМА“, се вели во официјалното соопштение.
Се утврдува дека осомничените делувале со умисла и координација. Искористиле ист траен однос и слични околности за да го повторат истото дело во повеќе наврати.
Основното јавно обвинителство веќе повело постапка против осомничените. За лицата јавен обвинител до судија побарал дводневен притвор, период кој, како што се вели во написот, е „неопходен за прибирање докази, анализа на обемниот доказен материјал и за завршување на вештачењата“.