Бразилски Флуминензе е првиот полуфиналист на Светското клупско првенство, во Орландо Флуминензе по победата над саудиски Ал Хилал со 2:1 (1:0) во четвртфиналниот натпревар.
Двата тима направија одлична работа во осминафиналето. Флуминензе го победи европскиот вицешампион Интер, додека Ал Хилал беше подобар од Манчестер Сити. Бразилците ја продолжија својата позитивна серија, чекајќи го во полуфиналето победникот од дуелот меѓу Челзи и Палмеирас.
Натпреварот започна со минута молчење за трагично починатите португалскиот интернационалец од Ливепрул, Диого Жота и неговиот брат Андре Силва, а во текот на молкот беа особено потресени репрезентативните соиграчи на Диого Жота од Ал Хилал, Жоао Кансело и Рубен Невеш.
Ал Хилал го отвори натпреварот подобро, со повеќе ритам и напаѓачка амбиција, иако бразилскиот тим ја создаде првата шанса. Кано шутираше во 18. минута, но беше непрецизен.
Голем дел од првото полувреме помина во жестоко надигрувања, но без никакви реални шанси, сè до 40. минута кога Флуминенсе поведе. Тоа беше блесок на Матеус Мартинели кој шутираше одлично од десет метри и погоди во самиот спротивен горен агол од противничкиот гол за 1:0.
Од самиот почеток на второто полувреме, Ал Хилал ги стави противниците под интензивен притисок и брзо израмни. Во 51. минута, Кулибали доби воздушен дуел, а Бразилецот Леонардо ја заврши работата и постигна гол за 1:1.
Нападите од двете страни следеа до 70. минута, кога Херкулес постигна гол за 2:1, за големо славење на бразилските навивачи во Орландо.
Во полуфиналето, Флуминенсе ќе игра против победникот од натпреварот меѓу лондонски Челзи и бразилски Палмеирас во Филаделфија подоцна во петокот ночќта.
Преостанатите два четвртфинални натпревари ќе се играат во сабота. Актуелните европски шампиони ПСЖ и Баерн Минхен ќе играат во Атланта од 18 часот, додека натпреварот помеѓу Реал Мадрид и Дортмунд ќе започне во Њујорк во 22 часот.