Украинскиот претседател Володимир Зеленски пристигна во САД и денеска во Белата куќа треба да се сретне со претседателот на САД, Доналд Трамп.
Главната тема ќе биде за можноста САД да испратат ракети „Томахавк“ кои би се користеле и за напади врз цели во Русија.
Истовремено, Трамп договори нова средба со претседателот на Руската Федерација, Владимир Путин на која главна тема е завршување на војната во Украина. Состанокот ќе се одржи во Будимпешта. Кремљ го потврди учеството на Путин, но датумот засега не е утврден.
Претходно, во телефонски разговор Путин му рекол на Трамп дека испораката на ракети „Томахавк“ ќе ги наруши мировниот процес и американско-руските односи.