Катастрофата која се случува е директна вина на градоначалникот и од него поставените директори на основните училишта, кои се покажаа како крајно неспособни кадри, рече Пане Антовски од ВМРО – ДПМНЕ.
Златко Марин цела година знаеше дека договорот со претходниот добавувач завршува на 31.12.2019 година и не презема ништо.
Дали станува збор за некаков бизнис интерес на градоначалникот и од која причина општината чекаше до 23.12.2019 година да распише тендер, имајќи ги во предвид законските рокови за спроведување на постапката?
Дали градоначалникот молчи поради тоа што постигнатата цена на спроведениот тендер е повисока од таа што досега ја плаќаа родителите на учениците? Дали и за колку ќе биде повисока цената во иднина?
До сега Марин требаше јавно да каже кога ќе биде решен овој проблем, меѓутоа од него не слушнавме ниту збор за оваа катастрофална ситуација.
За потсетување, Марин ветуваше поквалитетна храна за сите дечиња, а наместо тоа не добиваат никаква.
За жал ова не е единствениот скандал со образованието во Аеродром. Униформите за учениците доцнеа повеќе од три месеци, а родителите сеуште мака мачат со тој проблем.
Обезбедувањето во училиштата го нема, па од таа причина сите бевме сведоци на немил настан каде што родител нападнал ученик во едно од основните училишта во Аеродром.
Исто така Марин ветуваше дека обезбедувањето ќе биде на товар на општината, меѓутоа веќе 5 месеци како е отпочната оваа учебна година, единствено обезбедување се учениците, кои дежураат во училиштата.
Друг сериозен проблем во Аеродром е и изградбата на нова училишна зграда на основното училиште „Димитар Македонски“. Неколку пати Марин, Министерството за образование и гласноговорниците на СДСМ најавуваа доизградба на оваа училишна зграда, но како што сите можете да забележите, тука ништо не се случува. Не е изграден ниту милиметар од новата зграда, која повеќе од три години се наоѓа во ваква состојба.
Ништо подобра не е ни ситуацијата со безбедноста на учениците и жителите во населба Лисиче. Ветените гумени перничиња на бул. „12та Македонска бригада“ од Шилегов и Марин никаде ги нема. Граѓаните иако добија ветување по нивните протести, повторно се излажани.
Квалитетот на образованието во Аеродром е сериозно загрозен. Надлежните градоначалници воопшто не се трудат да ја подобрат ситуацијата, а последиците се на товар на сите наши сожители. СДСМ и Марин се посветени исклучиво на реализација на нивни бизнис интереси, изградба на згради и ништо повеќе.
Вие не сте на прав пат, туку на комплетно промашен пат.
