Најмалку шест лица се повредени, од кои тројца се во тешка здравствена состојба, откако 30-годишен Ирачанец намерно удрил во неколку возила во Берлин, соопштија германските власти, оценувајќи дека станува збор за потенцијален терористички чин, пренесува Скај Њуз.
Ирачанецот предизвикал неколку судири на неколку делници во Берлин, по што имало привремено прекинување на патниот сообраќај.
Ein Autofahrer hat am Dienstagabend mindestens drei schwere Unfälle auf der Berliner Stadtautobahn #A100 verursacht. Sie ist Richtung Neukölln noch immer gesperrt. Ein Autofahrer wurde festgenommen. Die Ermittler halten ein islamistisches Motiv für naheliegend. #Berlin pic.twitter.com/sucFRYDvQU
— rbb|24 (@rbb24) August 19, 2020
Инцидентот се случил синоќа, кога 30-годишен Ирачанец со својот автомобил се залетал во неколку возила, пишува „Билд“. Притоа тој соборил двајца мотоциклисти и обајцата се во тешка здравствена состојба. Потоа го запрел автомобилот, излегол и извикал „Алах Акбар“. Потоа врз покривот на автомобилот ставил метална кутија и повикал „никој да не му се приближува или сите ќе умрат“.
Полицијата успеала да го совлада човекот и да го уапси, и не пронашла експлозивна направа во неговиот автомобил. Напаѓачот сега е во притвор.
Властите испитуваат дали Ирачанецот, кој се чини дека е ментално нестабилен, припаѓа на некоја исламистичка заедница.
