Протести против владата на Јанша, се бара оставка

Најмалку 20.000 демонстранти во Словенија повикаа на оставка на владата и предвремени избори, објави словенечката телевизија – организаторите велат дека имало 40.000. Синдикатите и опозициските партии учествуваа на собирот во главниот град Љубљана. Демонстрантите извикуваа „избори сега“. На еден транспарент пишуваше „Смрт за фашизмот, слобода за сите“. Многу демонстранти дојдоа со велосипеди, симбол на антивладиното движење.

Повеќето демонстранти носеа маски, во согласност со правилата против коронавирусот. И покрај тоа, Јанша ги обвини демонстрантите дека придонеле за ширење на коронавирусот преку неовластени собири, оценувајќи го како кривично дело.

 

 

Словенците протестираа масовно и минатиот петок, 21 мај.

Притисоци врз медиумите и судството

Критичарите го обвинуваат десничарскиот премиер Јанез Јанша за сè поголемо авторитарно владеење. Меѓу другото, тој беше критикуван и за неговиот однос кон медиумите. Откако ја презеде функцијата во март 2020 година, тој постојано ги напаѓаше медиумите и новинарите – дури и Германците – на Твитер.

Неговите противници, исто така, го обвинуваат Јанша дека ја користи пандемијата на короната за да ја наруши независноста на судството.

Јанша (62) едвај го „преживеа“ гласањето за недоверба на парламентот во средата, при што четири опозициски партии го обвинија за неуспех во борбата против пандемијата, како што е набавката на вакцините.

Претседателство со Советот на ЕУ од јули

Јанша важи за голем обожавател на поранешниот американски претседател Доналд Трамп. Минатиот ноември, и покрај фактот дека гласовите на американските претседателски избори сè уште не беа преброени, тој му честиташе на републиканецот за наводната победа на изборите.

На крајот, сепак, тој загуби од Џо Бајден.

Словенија го презема ротирачкото претседателство со Советот на ЕУ во јули.

ПОВРЗАНИ НАПИСИПОВЕЌЕ ОД АВТОРОТ