Температури до минус 11 степени не очекуваат во текот на новогодишната ноќ. Како што информира УХМР времето во Македонија во текот на денешниот ден ќе биде претежно сончево и студено со слаб до умерен северен ветер.
За новогодишната ноќ со температури до -11 степени
Вечер на пречекот на Новата година времето ќе биде ведро и доста студено со температура која ќе се спушти до минус 11 степени.
Минималната температурата ќе биде во интервал од минус осум до еден, а максималната од минус два до пет степени.
Во Скопје ќе биде сончево и студено со слаб до умерен северен ветер. Минималната температура минус 4, а дневната ќе достигне до три степени.
Од недела врнежи од дожд и снег
Утре ќе преовладува сончево и студено време. Во сабота облачноста ќе се зголемува и температурите ќе започнат благо да се покачуваат. Од недела следува период на променливо облачно време со повремени врнежи, на пониските места од дожд и снег, а на повисоките од снег, со променлив интензитет.
