Шпанската полиција уапси две лица и упадна во неколку куќи во Мадрид во рамки на истрагата за перење пари за Владата на Венецуела, соопшти денеска шпанскиот Врховен суд.
Операцијата е извршена на барање на судијата Хозе Роберто Ринкон, кој водеше истрага со португалските и американските власти, соопшти судот.
Судот додаде дека истражува осомничени поврзани со владата на Венецуела, кои наводно переле пари, давале мито и формирале криминални здруженија. Полицијата посети четири локации, вклучително и домови во предградијата на Мадрид.
Истрагата е насочена против семејството на венецуелскиот тајкун, објави весникот „Конфиденсиал“, повикувајќи се на неименувани извори.
