Косовската полиција уапси осум лица по експлозијата што го оштети каналот за водоснабдување во петокот вечерта, објави во саботата косовскиот министер за внатрешни работи Џељаљ Свечља, припишувајќи ја одговорноста на Белград, од каде највисоките функционери на Србија категорично негира секаква вклученост.
Експлозијата на каналот Ибар-Лепенец, кој снабдува со вода за пиење стотици илјади жители на северно Косово и дел од главниот град Приштина, а се користи и за ладење на две термоелектрани, косовските власти ја окарактеризираа како „терористичка чин“, поврзувајќи го со Белград, што српските лидери го отфрлаат и побараа независна истрага.
„Делумно успеавме да ја поправиме штетата“, изјави Свечља за новинарите, истакнувајќи дека се уапсени осум лица и запленет е „голем арсенал оружје“.
Според пишувањата на приштинските медиуми на албански јазик, тој оценил дека официјален Белград стои зад „континуираните напади на терористичките криминални групи“, наведувајќи го нападот врз полициската станица и општината Звечан и синоќешната експлозија, која ја нарече „терористички напад врз инфраструктурата“.
„Нападите се во режија на Србија и за тоа го сметаме одговорен официјален Белград“, рече Свецла.
Директорот на косовската полиција Газменд Хоџа изјави дека при нападот на каналот Ибар-Лепенец биле употребени „значителни количества експлозив“, од 15 до 20 килограми и дека според досегашните истраги, „се работи за добро организирана група“.
Според извештајот на приштинскиот портал Reporteri.net, тој рекол дека се запленети „бројни материјални докази“ кои би можеле да бидат поврзани со овие случаи или дури и со други случаи што ги истражува косовската полиција.
„Беа претресени 10 локации, а полицијата конфискуваше повеќе од 200 воени униформи, шест рачни ракетни фрлачи и долго оружје, пиштоли и муниција“, рекол Хоџа.
Полицијата соопшти дека повеќето од уапсените припаѓаат на локалната организација Цивилна заштита, која владата во Приштина ја прогласи за терористичка организација.
Белград категорично ги отфрла обвинувањата на приштинските власти
Српскиот претседател Александар Вучиќ изјави дека Белград недвосмислено негира каква и да е вмешаност во нападот на каналот Ибар-Лепенец, повикувајќи на „темелна, непристрасна и транспарентна истрага“.
„Таквите неосновани тврдења имаат цел да го нарушат угледот на Србија, како и да ги поткопаат напорите за промовирање мир и стабилност во регионот“, порача Вучиќ на Isntagram во објава на англиски и понуди „техничка, финансиска и логистичка помош“ на елиминирање на последиците од нападот.
Министерот за внатрешни работи Ивица Дачиќ праша зошто Србија ќе го урива тоа што сама го изградила. Дачиќ тврди дека тоа е „дел од однапред смислен план за нанесување меѓународна штета на Србија“ и дека експлозијата „се користи како изговор за напади и малтретирање на Србите“.
Српскиот министер за одбрана Братислав Гашиќ „најостро“ ги отфрла тврдењата на приштинските власти дека запленетиот експлозив потекнувал од складиште на војската на Србија, негирајќи дека има „апсолутно каква и да е вмешаност“ на Србија во настаните поради кои, според него, Приштина „ги спроведува своите незаконски репресивни дејствија“.
Европската унија го осуди нападот, нарекувајќи го „терористички, а Европската служба за надворешни работи (ЕЕАS) во соопштение рече дека тоа е неприфатлив чин на саботажа на критична цивилна инфраструктура. ЕЕАS наведе дека ЕУ „ќе продолжи внимателно да ги следи случувања“.
Шефицата на мисијата на ОН на Косово (УНМИК), Каролине Зајаде, остро го осуди нападот на каналот Ибар-Лепенец и посочи дека „сеопфатна транспарентна истрага е императив за да се идентификуваат одговорните и да се повикаат на одговорност“.
Нападот го осудија и амбасадите на западните земји во Косово.
