Абдицираше шпанскиот крал Хуан Карлос

128

Шпанскиот крал, Хуан Карлос, абдицира по скоро 40 години на тронот, а за негов наследник е најавен принцот Филип, соопшти денеска премиерот Маријано Рахој.

„Неговото височество, кралот Хуан Карлос, само што ме извести дека го предава својот трон. Убеден сум дека ова е најдобриот момент за промена“, рече Рахој.

Некогаш популарниот Хуан Карлос (76), допринел за транзиција на Шпанија во демократска земја во текот на 70-те години на минатиот век, по диктатурата на Франсиско Франко.

Кралот ја изгуби својата поддршка во последните неколку години поради корупциски скандали и гафови.

Неговата ќерка, принцезата Кристина и нејзиниот сопруг се под истрага поради корупциски случај.

Кралот, чие здравје се влошува во последните неколку години по операцијата на кукот, се повлекува од лични причини.

Доколку преземете содржина од оваа страница, во целост сте се согласиле со нејзините Услови за користење.