Џафери: Нашиот регион е ранлив, подложен на надворешни влијанија и потребна е будност

43

Прашан за позицијата на Србија во однос на руската агресија, Џафери смета дека нема потреба од посебен коментар.

Што се однесува на негативните рефлектирања на украинската ситуација несомнено е дека ние носителите на соодветните функции треба да бидеме будни во превентивен аспект, повикувајќи се на горките искуства од последните три децении, од распаѓањето на поранешна Југославија и од целата ситуација што произлезе, која што беше и е актуелна во регионот, изјави во Приштина претседателот на Собранието, Талат Џафери.

– Несомнено дека нашиот регион е чувствителен, ранлив и под влијание на надворешни влијанија и во тој контекст треба да бидеме внимателни и над се делот на оваа соработка е координирање во сите можни негативни ефекти што би можело да ги има во регионот. Несомнено дека ги согледуваме овие прашања меѓутоа не мислам дека има нешто конкретно. Како и да е, за секаква ситуација институциите треба да бидат во состојба на готовност, институции коишто треба да ја следат ситуација и информирање за конкретната и фактичка ситуација и во регионот и пошироко, рече Џафери на новинарско прашање на заедничката прес-конференција со неговиот домаќин претседателот на косовскиот Парламент, Глаук Коњуфца.

Во однос на тоа што е потребно институциите на Косово да направат во однос на аспирацијата за членство во НАТО и ЕУ, Џафери рече дека не би претендирал да игра улога на советник, затоа што верува дека надлежните косовски институции ги следеле и го следат процедуралниот, институционалниот пат на тоа што се домашните одлуки за пристапување.

– И како претседател на Собранието и како Република Македонија ние сме на располагање на институциите на Република Косово да може да ги споделиме нашите искуства на институционален начин и искуствата што го опфаќаат нашето патешествие кон НАТО и ЕУ. Несомнено дека таа поддршка не е само декларативна и практична и како членка на НАТО, со контингентот со којшто учествуваме во формацијата на КФОР во Република Косово, тоа е јасен сигнал дека ние сме подготвени да бидеме присутни и во таа форма и да обезбедиме тоа што е сигурност, мир, и благосостојба на Република Косово и народот на Република Косово, вели претседателот на Собранието Џафери.

Прашан за позицијата на Србија во однос на руската агресија, Џафери смета дека нема потреба од посебен коментар.

– Позицијата сами си ја адресирале со тоа што гласале позиција за приклучување кон ОН со санкции кон Руската Федерација, а во билатерален контекст адресирале дека тие не се подготвени да спроведат казнени мерки било да се економски или други, така што тие самите си се позиционирале и тоа го именувале и нема потреба да се коментира, вели Џафери.

Тој го повтори ставот за поддршка на разговорите Приштина – Белград, кој вели, треба да финализира со заемно признавање.

– Не може да има договор без билатерална согласност на двете страни што се во разговорите. Несомнено е дека определбата за заемно прифатливи разговори подразбира и финален акт на заемно признавање, вели Џафери.

Што се однесува на процедурите за апликација за члнество на Косово во ЕУ и НАТО, Коњуфца изјави дека косовската Влада веќе ги има обзнанено своите чекори и има ветено дека ќе се обиде да аплицира за во ЕУ, а за НАТО, вели, постои 10-годишен план којшто беше објаснет во којшто се влезени во 2018 година и којшто се очекува да се круниса во 2028 година. Тој смета дека ЕУ и НАТО треба да ги олеснат процедурите за членство гледано од безбедносен аспект.

– Што се однесува на ЕУ, прашањето на аплицирање тоа сигурно дека може да се случи. Меѓутоа, тоа на кое што ние апелираме е да ни помогнат сите земји на ЕУ по новосоздадената ситуација да се концептуира Западен Балкан и како безбедносно прашање, сега веќе не само како прашање на некои сложени критериуми коишто никогаш не завршуваат во домашна смисла на зборот. Значи, реформите што треба да се направат, разните критериуми итн, додаде Кољуфца.

Тој посочи на тоа како се прифати барањето на Украина пред четири дена до ЕУ, на итен начин и во исклучителни околности, поради постојниот конфликт и ризикот врз целиот регион, бидејќи, вели Русија сака да изгради платформи и простори на дестабилизација во Европа.

– ЕУ треба да постапи како единствено, уникатно тело кое што нема да остави простор за интервенциите на Руската Федерација. И ова секако не може да се направи со досегашната стратегија. Значи, нашиот апел беше за менување на стратегијата, за едно внимание кон новосоздадените околности по нападот на Руската Федерација во Украина. Што се однесува на НАТО, значи и тука фазите коишто се замислени во тие 10 години да се намалат и Косово да има побрзо чекорење кон НАТО. Тоа е концептот којшто е веќе објаснет од институциите на државата, опфаќајќи ја тука претседателката, претседателот на Владата, вели Коњувца.

Доколку преземете содржина од оваа страница, во целост сте се согласиле со нејзините Услови за користење.