Агуеро среќен поради аутсајдерската улога

Брзоногиот напаѓач на Аргентина, Серхио Агуеро, на неколку часа пред стартот на финалниот натпревар изјави дека е среќен што фаворитската улога му е доделена на противникот, репрезентацијата на Германија, но тоа значи дека противничките фудбалери ќе бидат под многу поголем притисок.
“Германија секогаш е меѓу фаворитите за светската титула, заедно со Бразил. Тие остануваат такви. Ние треба да ја одиграме нашата игра и наполно ни одговара што притисокот е врз нив. Ние сме во финалето и треба да победиме, без разлика на каков начин. Сакаме да ја контролираме топката, но знам дека Германците се извонреден тим, во кој фудбалерите играат заедно долго време. Јасно е дека Аргентина ќе брка победа, но во одредени моменти ќе треба да бидеме повнимателни. Ние сите сме свесни за нашата мисија и треба да ги исцедиме последните сили на теренот за да ја оствариме”, изјави напаѓачот на Манчестер Сити.

Доколку преземете содржина од оваа страница, во целост сте се согласиле со нејзините Услови за користење.