Активно ги разгледуваме можностите за инвестирање во Македонија

Компанијата „Алорика“ која се занимава со аутсортинг и консалтинг услуги активно ги разгледува можностите за инвестирање и е во процес на планирање на конкретна соработка.

Енди Ли, извршниот директор на компанијата по бизнис форумот во Лос Анџелес изјавил дека како компанија работат во многу држави во светот, и она што имале можност да го слушнат од бизнис форумот е дека човек може да биде задоволен од водењето бизнис во Македонија.

-Македонија има високо образована работна сила и е многу посветена на привлекување на инвеститори, и Влада која го поддржува бизнисот што од моја перспектива укажува на тоа дека има се што ни е потребно да бидеме успешни, при што со нетрпение очекуваме да дојдеме и да научиме повеќе. Ние ќе ја посетуваме Македонија во наредните три месеци за да направиме детални анализи за можноста да отпочнеме бизнис во државата, изјави извршниот директор Енди Ли.

Доколку преземете содржина од оваа страница, во целост сте се согласиле со нејзините Услови за користење.