Челникот на владејачката Демократска унија за интеграција (ДУИ), Али Ахмети, е во самоизолација во својата куќа во селото Зајас.
Фотографијата на Ахмети од самоизолација ја објави на Фејсбук неговиот брат Фекри Ахмети.
„Останете дома! И следете ги препораките на надлежните. Да ја поминеме оваа пандемија лесно“, порача братот на Ахмети.
Од партијата велат дека по сугестии на сопартијците Ахмети е во самоизолација дома во Зајас. Тие му препорачале на лидерот да не доаѓа во партиското седиште во Мала Речица бидејќи кога тој е во Централата многу сопартијци доаѓале, а со тоа се зголемувал ризикот Ахмети или некој од партијата да се разболи.
Фотографијата на Ахмети во самоизолација е впечатлива, бидејќи досега никој го нема видено лидерот на ДУИ неизбричен.
