Алијанса за Албанците: Дивоградбите во Струга се aминувани од Мерко, тие што градат велат „се договоривме со Рамиз“

49

Арогантното и неодговорното однесување на градоначалникот на Струга, уште еднаш покажа дека дивоградбите во Струга се прават со знаење, амин и згора на тоа и со негово стимулирање. Повеќето од тие што градат околу езерото и не само таму, ги кажуваат истите зборови: „Се договоривме со Рамиз“, реагира партијата на Зијадин Села на изјавата на струшкиот градоначалник Рамиз Мерко дека баш му е гајле за реакциите на невладините и на јавноста за нелегалните објекти.

– На овој уништувач на секоја вредност и богатство на граѓаните на Струга, не му е местото таму. За жал, институциите стануваат алатка на криминал и криминалци како Рамиз. Уште еднаш ги покануваме полицијата, обвинителството, судот, владата, да преземат мерки сѐ додека не стане предоцна. Нашето богатство се уништува и узурпира, додека организираниот криминал цвета на секој агол на Струга – вели Алијансата за Албанците.

Доколку преземете содржина од оваа страница, во целост сте се согласиле со нејзините Услови за користење.