Амбасадорот Гир во посета на Гостивар во рамки на кампањата ЕУ со тебе

Шефот на Делегацијата на Европската Унија, амбасадорот Дејвид Гир во рамки на кампањата „ЕУ со тебе“ денеска ќе ја посети општина Гостивар.

Ова е втора од низата посети на општините по отворањето на преговорите за пристапување на Северна Македонија во ЕУ, во јули 2022 година. Целта на посетите е да се презентираат новите чекори во процесот на преговори за пристапување во ЕУ и нивното влијание врз секојдневниот живот на граѓаните.

За време на посетата на Гостивар, амбасадорот Гир ќе се сретне со градоначалникот на Гостивар Арбен Таравари, членовите на Советот на општината и претставници на граѓански организации.

Тој ќе учествува и на кафе-дебата со граѓани за да одговори на прашања поврзани со европскиот пат на Северна Македонија.

Доколку преземете содржина од оваа страница, во целост сте се согласиле со нејзините Услови за користење.