Американската ФДА ја одобри новата вакцина против Ковид-19, отпорна и на Омикрон

Американската Агенција за заштита од заразни болести ги одобри новите ажурирани бустер вакцини за КОВИД-19, отворајќи го патот за есенска кампања за вакцинација против ова заразно заболување.

Новите бустер дози се комбинирани или „бивалентни“ и се прилагодени за борба против подваријантите на Oмикрон.

Во себе содржат половина од оригиналната вакцина и половина фрагменти од денешните доминантни верзии на омикрон.

Производители се Фајзер и Бионтек и истите се одобрени за сите постари од 12 години, а верзијата на конкурентот Модерна е наменета само за возрасни.

Препораката е да се вакцинираат сите кои имаат ризично здравје, без оглед што и претходно примиле засилувачка доза. Се советува да се почека три месеци од претходната доза, а сите кои сакаат да ја примат новата вакцина да почекаат шест месеци од последната доза или од прележаниот ковид.

Доколку преземете содржина од оваа страница, во целост сте се согласиле со нејзините Услови за користење.