Американски маринци ќе бидат распоредени во Бугарија

Поради тензичната ситуација во Украина, на есен во Бугарија ќе биде распоредена единица на американските маринци, пренесува МИА.

За ова денеска информираше заменик-командант на американските маринци во Европа бригадниот генерал Норман Кулинг.

Тој истакна дека 155 американски маринци со четири тенкови, шест борбени транспортери и три хаубици ќе бидат стационирани на воениот полигонот Ново Село. Американските маринци во Бугарија ќе бидат 18 месеци.

Американските маринци ќе имаат воени вежби заедно со бугарски, романски и други сојузнички сили.

Американскиот секретар за одбрана Ештон Картер претходно соопшти дека САД ќе распоредат тешко оружје во Естонија, во Летонија, во Литванија, во Полска, во Романија, во Бугарија и во Германија.

Доколку преземете содржина од оваа страница, во целост сте се согласиле со нејзините Услови за користење.