Американскиот специјален претставник за Северна Кореја повика Пјонгјанг да се врати на преговарачка маса

Американскиот специјален претставник за Северна Кореја, Стивен Биган, денеска го повика Пјонгјанг да се врати на разговорите, отфрлајќи го едногодишниот рок поставен од лидерот на Северна Кореја, Ким Џонг Ун и нагласувајќи ја подготвеноста на Вашингтон да разговара за „сите прашања од интерес“.

Тој вчера пристигна во Јужна Кореја пред истекот на едногодишниот рок поставен од Пјонгјанг за САД барајќи да се олесни нејзиниот став за замрзнатитте преговори за денуклеаризација.

Тензиите се зголемија во последните неколку недели откако Пјонгјанг спроведе серија тестови за оружје и влезе во вербална војна со американскиот претседател Доналд Трамп, предизвикувајќи загриженост дека двете страни би можеле да се вратат на почетните позиции на отворено спротивставување.

Говорејќи на заедничката прес-конференција во Сеул со неговиот јужнокорејски колега, Биегун рече дека САД немаат краен рок, но тие имаат цел и сакаат повторно да ги започнат преговорите.

– Време е да ги завршиме нашите работи. Ајде да го исправиме тоа. Ние сме тука и вие знаете како да дојдете до нас, рече тој.

Биган рече дека би било „најнекорисно“ доколку Северна Кореја изврши голема воена провокација во блиска иднина.

Тој, исто така, жали за серија изјави на официјални лица од Северна Кореја во последните неколку недели, нагласувајќи дека нивниот тон е „толку непријателски и негативен и толку непотребен“.

– Ние понудивме каков било креативен начин да продолжиме со  чекори и флексибилност во нашите преговори за да постигнеме балансирани договори што ги исполнуваат целите на обете страни, рече тој.

Доколку преземете содржина од оваа страница, во целост сте се согласиле со нејзините Услови за користење.