Андонова го продолжи договорот со Леванте

Денеска официјално од шпанскиот женски клуб потврдија дека е продолжена соработката со една од најдобрите македонски фудбалерки.
Наташа Андонова потпиша нов договор кој ќе трае до јуни 2021 година, со опција за продолжување на истиот на уште една сезона.

Минатото лето дојде во клубот од Валенсија од Барселона, а на клупски план беше дел уште од ПСЖ, Розенгард, првиот и вториот тим на Турбине Потсдам, Борец Велес и Тиквешанка.

Сезонава во најсилното шпанско првенство за Леванте запиша осум натпревари, без реализиран погодок.

Поради пандемијата на коронавирус, предвреме заврши оваа сезона, нејзиниот поранешен клуб Барселона беше промовиран во шампион, на второто место заврши Атлетико Мадрид, а на третата Леванте.

ПОВРЗАНИ НАПИСИПОВЕЌЕ ОД АВТОРОТ