За идната влада на ВМРО-ДПМНЕ, односно идната влада на Република Македонија, квалитетно и модерно образование претставуваат приоритет, квалитетното и модерно образование се темел за развој на другите општествени полиња и се темел за развиток на другите приоритети како што се економијата, градењето на демократско општество, градењето на праведно општество и развој на сите индивидуа сѐ со цел за подобар живот, истакна во четвртокот проф Весна Јаневска.
Како што рече во продолжение Јаневска, квалитетното и модерно образование во функција на пазарот на трудот ќе изгради иновативни поединци и широка распространета мрежа на иновации кои државата ќе ја водат во просперитет.
Посочи дека во програмата за образование на ВМРО-ДПМНЕ се нотирани многу приоритетни проекти, и таа ги опфаќа сите степени од основното и средното до високото образование. Притоа Јаневска, истакна дека во основното образование се предвидени реформи на наставните планови и програми, со особен осврт кон воспитната дејност на најмладите.
„Најмладите ќе бидат растоварени од заморното учење на факти и репродукција на факти, а ќе се обрне внимание на нивното критичко мислење на развој на демократски капацитет, на спознавање на себе и околината, на моралните и етичкие норми, на спознавање на различностите и прифаќање на различностите, на споделување на проблемите и решавање на проблемите. Наставниците ќе бидат растеретени од огромната административна работа на пишување и препишување на едни исти описни оценки или други оценки, како во е-дневникот така во дневникот и матичната книга. Тие ќе се посветат на образованието, а не на администрацијата“, прецизираше Јаневска.
Според неа, наставниците ќе бидат мотивирани со повисока плата, којашто ќе биде соодветна за нивниот труд кој го вложуваат во образованието на најмладите и проуцирањето на кадарот кој ќе ја води земјата во напредок.
„Платата на наставниците ќе биде според колективниот договор, ќе има израмнување и таа ќе изнесува 36.000 денари. Тука да не ги пропуштам професорите, како што веќе слушнавте платата на универзитетските професори ќе достигне до 100.000 денари“, се обврза Јаневска.
Појасни дека програмата на партијата предвидува дека наставниците ќе имаат кариерно напредување, ќе им бидат признаени сите достигнувања кои тие ги достигнале во својот професионален живот, магистериумите, докторатите, наставникот ментор, наставникот советник ќе бидат соодветно наградени и еволуирани за својата работа.
Од останатите проекти во однос на средното образование, како што додаде Јаневска, се предвидува средно образование во функција на стопанството. Дуално образование, образование според пазарот на труд и според потребите на општеството. Предвидовме кариерно советувањ3е на учениците, како и нивно кариерно определување со помош на наставниците.
За учениците како и за студентите ќе има можност за субвенционрање од страна на државата за нивниот научен или истражувачки труд. Исто така ќе биде соодветно награден секој успех на наставникот ментор за секој научен и истражувачки проект за кој ученикот ќе биде награден во Република Македонија или надвор од неа.
Наставниците, исто така, ќе имаат можност да стекнат едукација која нема да биде на нивен терет туку на терет на министерството за образование. Во случај да треба од септември повторно да работиме на онлајн настава во преодната програма на нашата партија се предвидени повеќе чекори, меѓутоа во однос на образование предвидено е формирање на национална програма преку која министерството за образование заедно со македонските ИТ компании ќе изработи платформа, една единствена како за учениците така и за студентите и за наставниците да биде униформна да биде достапна на сите на кои што ќе им биде потребна.
На неа наставниците ќе постават снимени материјали кои на учениците и студентите ќе им бидат достапни во секое време, кога тие ќе бидат спремни да се посветат на учењето. Истата платформа ќе биде користена не само во ситуации на кризи како што е КОВИД-19 епидемијата туку таа може да се користи и за учење во ситуации како на пример како што знаете во зимскиот период во Скопје и другите градови имаме зголемување на ПМ 10 честичките.
„Она што се однесува на високот образование, нашата влада ќе обезбеди средства за научно истражување најмалку 40 проекти годишно ќе бидат финансирани од нашата влада. Факултетите, универзитетите ќе го добијат кадровскиот потенцијал којшто им е потребен, не само во смисла на професорски кадар туку и технички. Нашата влада нема да дозволи ниту еден ученик, ниту едно лице со попреченост да биде заборавено како што тоа сега беше случај. Ние ним ќе им посветиме посебно внимание“, заклучи Јаневска.
