Ангеловски: Далеку е Европското првенство

98

Селекторот на репрезентацијата на Македонија, Игор Ангеловски е оптимист пред утрешниот натпревар со Ерменија во четвртото коло на Лигата на Нации, а потребен е само бод за да се потврди првото место и пласманот во полуфиналето на дивизијата Д од Лигата.

Ние се подготвуваме за утрешниот натпревар, но знаеме дека Ерменците се добар национален тим. По поразот од Гибралтар веројатно ќе бидат лути да реагираат против нашата селекција. Многу далеку е Европското првенство и не мислиме на таа шанса. Во главата ни е само утрешниот натпревар и можноста да извојуваме позитивен резултат. Сите фудбалери се здрави и спремни и тоа ме радува. Нема да го потцениме противникот, верувам дека ќе бидат лути и мотивирани утревечер. Ова не е натпревар со ривалите во нашата група, туку со сите останати. Мора да размислуваме како да е 0-0 и да имаме ист број на бодови со Ерменија. Само така можеме да извадиме максимум. Не смееме да ги потцениме, тоа би било погубно. Играчите и тактичката поставеност ни се познати, ќе одговориме на било која нивна формација”,  изјави Ангеловски на официјалната прес конференција пред натпреварот со Ерменија.

Селекцијата на Македонија после пресот денеска тренира во „Републикан Стадиум“ во Ереван каде утре со почеток од 18 часот се игра натпреварот од четвртото коло, по кое Македонија е лидер со три победи од три натпревари.

Ерменија располага со квалитетна селекција, знаевме од стартот дека тие ни се најголем ривал во групата. Имаме веќе три победи, но одлично се подготвуваме и верувам дека ќе дадеме максимум за нова победа. Добро ја анализиравме Ерменија, ја видовме на првиот натпревар во Скопје. Тогаш добро се подготвивме и заслужено славевме, додаде капитенот Горан Пандев.

Доколку преземете содржина од оваа страница, во целост сте се согласиле со нејзините Услови за користење.