Англичанките на трагичен начин останаа без финале на СП

Репрезентацијата на Јапонија е вториот финалист на Светското првенство за жени што се одржува во Канада откако ноќеска ја совладаа Англија со 2:1.

Англичанките можат да се прогласат за вистински трагичари затоа што двата гола што ги примија беа чудни.

Прво, Јапонија доби пенал за прекршок надвор од шеснаесетникот и со него поведоа со 1:0, а погодокот за победа, всушност, беше автогол во втората минута од судиското продолжение. Резултатот го отвори Мијама во 33-та минута, израмни Вилијамс, исто така, од пенал седум минути подоцна, а победата на Јапонија и ја донесе Басет со автоголот.

Во големото финале в недела, Јапонија ќе се сретне со САД, додека Англија за третото место ќе игра против Германија.

Доколку преземете содржина од оваа страница, во целост сте се согласиле со нејзините Услови за користење.