Здружението за заштита на животни „Анима Мунди“ реагира на фотографија со убиено мече објавена на Фејсбук.
Животните немаат мир ниту на улица ниту во дивина, насилството врз животните е карактеристика на Македонија во секој сегмент. Ви проследуваме фотографија од извесен Јашко Садиков кој јавно на Фејсбук се сликал со убиено мече и се фали со отстрелот и смртта на младо и со закон строго заштитено диво животно.
Лицето застрелало мече, кое по фотографијата очигледно не е ни постаро од 3 или 4 месеци.
Бараме итна интервенција од службите МВР, Ловниот инспекторат и АХВ согласно повеќе закони (Кривичен Законик, Закон за ловство, Закон за заштита и благосостојба на животните) и најстрога казна – казна затвор за сторителот“, велат од Анима Мунди.
