Ариведерчи Меркел, Јункер и Шулц

257

Резултатите од изборите во Баварија значи дека „стариот систем“ во Европа е на заминување, изјави италијанскиот десничарски популистички министер за внатрешни работи, Матео Салвини.

„Во Баварија победија промените, а ЕУ загуби“, рече тој во неделата вечерта Салвини, кој исто така е вице-премиер на италијанската влада и лидер на десничарската „Лига“.

Ова е историски пораз на демохристијаните и социјалистите, а пријателите од AФД прв пат влегуваат во регионалниот парламент, рече Салвини

Првите резултати покажуваат дека конзервативната Христијанско-социјалната унија (ЦСУ) и Социјалдемократската партија (СПД) загубија на баварските регионални избори, а крајно десната Алтернатива за Германија (АФД) освоија околу 10 отсто од гласовите, во својот прв обид да влезат во парламентот во Минхен.

Arrivederci (збогум) Меркел, Шулц и Јункер, им порача Салвини на канцеларката Ангела Меркел, поранешен претседател на Европскиот парламент и поранешен лидер на СПД, Мартин Шулц и претседателот на Европската комисија, Жан-Клод Јункер.

 

 

Доколку преземете содржина од оваа страница, во целост сте се согласиле со нејзините Услови за користење.