Арсенал не сака да игра со Ливерпул

49

Менаџерот на Арсенал, Унаи Емери се пошегува дека воопшто не сака неговиот тим да игра со Ливерпул. Во саботата, тимот од Мерсисајд ги ​​пречекува „топџиите“ во клучен натпревар од третото коло во Премиер лигата.

Досега, Ливерпул и Арсенал се единствените две екипи кои имаат 6 бода по првите две кола.

– Ако зависи од нас, ние никогаш не би сакале да играме против Ливерпул. Ние би сакале да не излегуваме против нив. Ова е вистински предизвик и многу добар тест за нас. Многу е добро што одиме таму со шест бода. Нашата цел е да го скратиме растојанието од Ливерпул и Манчестер Сити. Ова е шанса да покажеме колку сме силни, рече Емери, кој навести дека може да се обложи на своето ново напаѓачко трио Александар Лаказет – Пјер-Емерик Обамејанг – Никола Пепе.

Тројцата ќе се обидат да ја измерат силата со екстремниот напад на Ливерпул, изграден од Мохамед Салах, Роберто Фирмино и Садио Мане.

Доколку преземете содржина од оваа страница, во целост сте се согласиле со нејзините Услови за користење.