Арсовски: Заев ја води земјата по теркот на јужноамериканските нарко-картели

23

Отсуството на срам за сите случувања изминативе четири години во СДСМ и кај Зоран Заев, а вклучително и кај неговите протагонисти чии фотелји и бизниси зависат од власта на Заев е највисок чин на потврда дека Македонија е водена од мафија по теркот на јужноамериканските нарк- картели, истакна во саботата на прес-конференција портпаролот на ВМРО-ДПМНЕ, Димче Арсовски.

Посочи дека власта предводена од социјалдемократите на Заев ги крадела изборните процеси со гласање на секои четири секунди, потоа почнале да шверцуваат дрога преку државни органи и ресурси, за на крајот да киднапираат пратеници за да ја задржат власта преку која крадат, пустошат, малтретираат и го држат жив хибридниот режим и, како што нагласи Арсоски, за сето тоа виновен е премиерот Зоран Заев.

„Република Македонија е водена од нарко-картелот Заеви,  и тоа веќе се потврди откако почнаа да киднапираат пратеници. Зоран Заев е лидер на нарко картел, а не на Влада. Најпрвин да се разбереме, граѓаните одлучија дека се против оваа Влада на локалните избори, каде ВМРО-ДПМНЕ со 100.000 разлика го поразија расипничкото и мафијашко владеење на СДСМ. Зоран Заев и СДСМ се најголеми лузери и губитници на овие избори, каде што на површина излегоа сите нивни фекалии и криминалии. Целото ова претање, мачење и киднапирање од нивна страна, само го одложува нивниот пад, кој што повеќе се одложува, толку ќе биде поболен. Зоран Заев бидејќи е свесен дека е криминалец и народот бара да биде сменет, не им веруваше на сопствените пратеници и не ги пушти да влезат во собраниската сала и да го поддржат. Веќе не е во прашање политика, партија или кожата на криминалците од СДСМ и Заев, веќе е во прашање иднината на државата и иднината на граѓаните, која што ја уништија економски, ја опљачкаа и опустошија“, вели Арсовски.

Рече дека е очигледно дека „лузерот“ Заев е очаен и во агонија, кој поради тоа што е „киднапиран од сопствените криминални пориви, мора да киднапира како власт пратеник“ за на извесно време го одложи своето заминување од власта.

„Ако Зоран Заев ја киднапира СДСМ како партија и не сака да ја испорача оставката, народот е тој кој ќе му ја испорача оставката и ќе го прати во историја“, истакан Арсовски.

Се обрати до оние кои се сметаат за чесни функционери на СДСМ, порачувајќи дека е тажно да го браната „најголемиот крииминалец во историјата на Македонија“, алудирајќи на нивниот партиски шеф и премиер Заев, бидејќи со тоа го бранеле лриминалот, како и дека изразуваат согласност дека не треба да има одговорност за 14 изгорени пациенти во ковид-болницата во Тетово и се согласни со шверцот на дроги и со „хибридниот режим“, како што странските медиуми и организации ја рангираат земјата.

„За крај, одговорност мора да има и ќе има. Дали сега или понатака, одговорност мора да има. Што побрзо ја даде ветената оставка за изгубените избори, толку побрзо ќе ја ослободи државата неговите криминални пориви“, заклучи Арсовски.

Доколку преземете содржина од оваа страница, во целост сте се согласиле со нејзините Услови за користење.