Атина ги демантира тврдењата за недостиг на храна и лекови во земјата

Грчкото Министерство за економија, инфрастурктура, трговска морнарица ги демантира тврдењата кои се појавија во медиумите за недостиг на храна во земјата, јави ТАСС.

Пред референдумот во Грција на 5 јули, одделни европски медиуми и весникот „Гардијан“, објавија дека контролата врз движењето на капитал воведена од страна на грчките власти, предизвикал недостиг на храна и лекови во земјата.

– Во Грција има доволни количини храна и цените остануваат непроменети, се наведува во соопштението.

Министерството додава дека соработува со снабдувачите на стоки и оти се преземени сите можни мерки за обезбедување на стоки за широка потрошувачка во Грција.

Доколку преземете содржина од оваа страница, во целост сте се согласиле со нејзините Услови за користење.