Атина најавува проширување на територијалните води, Анкара предупредува

Хами Аксој,

Изјавите на сега веќе поранешниот шеф на грчката дипломатија Никос Коѕијас и актуелниот министер а надворешни работи и премиер на Грција, Алексис Ципрас, минатата сабота, за проширувањето на грчките територијални предизвикаа нова тензија во односите меѓу Атина и Анкара.

„Не можеме да толерираме никаков чекор кој не е заснован на заемна согласност во Егејското Море, во кое двете земји имаат брегови на спротивните страни. Декларацијата на Големото национално собрание на Турција, од 8-ми јуни 1995 година, содржи неопходно политичко предупредување и денес, сѐ уште е во сила. Нашите ставови и предупредувања, беа, исто така пренесени и до амбасадорот на Грција во Анкара“, изјави Хами Аксој, портпаролот на турското Министерство за надворешни работи.

Одговарајќи на новинарско прашање во врска со изјавата од турското министерство за надворепни работи, портпаролот на грчката дипломатија, Александрос Гениматас, вели дека согласно меѓународното право, Грција има право да ги прошири територијалните води, а „своеволни толкувања на меѓународното право и закани за насилство од страна на Турција, како и оспорување на легитимните права на Грција, не придонесуваат во добрососедските односи“.

„Проширувањето на територијални води е законско и неотуѓиво суверено право на Грција, согласно со меѓународното право. Конкретната одлука за проширување ја има исклучиво на Грција, која има право да ги прошири своите територијални води, како и кога самата ќе процени. Ова право важи без исклучоци и не се доведува во прашање, ниту се преговара за него со трети стани. Ова, секако, се однесува на целата територија“, истакна Гениматас.

Доколку преземете содржина од оваа страница, во целост сте се согласиле со нејзините Услови за користење.