Авганистан за жените воведе забрана за посета на спортски сали

Талибанците им забранија на жените да користат спортски сали во Авганистан, изјави официјален претставник во четвртокот, во најновиот декрет на религиозната група за кршење на правата и слободите на жените откако ја презедоа власта пред повеќе од една година.

Откако во август минатата година Талибанцiте ја презедоа власта, им забранија девојчињата да посетуваат средни училишта, и покрај претходното ветување, ги ограничија жените во повеќе области на вработување и им наредија да носат хиџаб. Портпаролот на Министерството за доблест и порок рече дека забраната е наметната затоа што луѓето ги игнорираат наредбите за родова сегрегација и жените не носат задолжителен хиџаб или шамија.

Забраната за жените да користат спортски сали и паркови стапи на сила оваа недела, пренесува АП.

Мохамед Акеф Мохаџер, портпаролот на Министерството за порок и доблест назначен од Талибанците, рече дека групата „дала се од себе“ во изминатите 15 месеци за да избегне затворање паркови и спортски сали за жените, наредувајќи одделни денови во неделата за мажи и жени за пристап до салата или наметнување родова сегрегација.

– Но, за жал, наредбите не се почитуваа и правилата беа прекршени, па моравме да ги затвориме парковите и спортските сали за жени – изјави Махер.

Тој додаде дека во повеќето случаи виделе мажи и жени заедно во парковите и дека не се носи хиџаб.

– Затоа моравме да донесеме друга одлука и засега наредивме сите паркови и спортски сали да бидат затворени за жените – рече тој.

Тој додаде дека талибанските тимови ќе проверат дали жените сè уште ги користат овие места и покрај забраната.

Доколку преземете содржина од оваа страница, во целост сте се согласиле со нејзините Услови за користење.