Министерката за финансии Нина Ангеловска во гостувањето во емисијата „Економски магазин“ на Алсат истакна дека јавниот долг за 2020 година е проектиран на 52,3 % додека за 2019 година 51,7 % , но како што кажа таа, се очекува годинава да заврши со понизок процент од проектираниот, а тоа е 49, 4 %.
И покрај ваквите бројки факт е дека јавниот долг до крајот на годината ќе се зголемува, на што алармираат и голем број економисти и експерти кои велат дека вака високиот јавен долг е штетен за и онака слабата македонска економија.
Инаку, над 50 % јавен долг од БДП е алармантна бројка и ја надминува психолошката граница што е многу опасен факт за економија каква што е македонската тврди експертската јавност.
Дополнително Владата пред да дојде на власт алармираше на јавен долг од 41 % од БДП и го коментираше како опасен и катастрофален додека сега уверува дека нема простор за загриженост.
Поранешниот советник во владата на СДСМ и универзитетски професор Ванчо Узунов во јавноста наголемо критикуваше зголемувањето на јавниот долг во минатото, нереалниот раст на платите и намалување на продуктивноста.
-Продуктивноста се намалува, а пензиите и платите растат. Ова не може а да не резултира со зголемување на задолженоста, и таа е таа “отворена” задолженост, за која ние секојдневно гледаме податоци дека таа расте пишува Узунов за Portalb.mk.
Узунов дава критики во врска со јавниот долг кога е само 41,9 % во 2016 година, кога рече: Гледано механички, само како бројка, ние сѐ уште спаѓаме во групата на умерено задолжени економии, но анализирано според капацитетот на економијата да може да ги враќа овие долгови, ние од поодамна сме презадолжени затоа што тие пари што се земени со задолжување не се потрошени за цели и објекти кои што во иднина ќе значат зголемена конкурентност, а со тоа и способност на економијата да може да ги враќа долговите во иднина”.
Инаку, Македонија континуирано се задолжува, јавниот долг расте, но изостануваат капиталните инцестиции кои ќе ја зголемат конкурентноста на македонската економија и ќе бидат основа за државата да стане способна да ги сервира своите долгови.