Во економската зона Марино-Кадино во општина Илинден денеска ќе биде поставен камен темелник за отпочнување со градба на нов објект на австриската компанија од текстилната индустрија „ Текспорт “.
Компанијата се занимава со производство на текстилна заштитна облека, а во општина Илинден ќе гради фабрика на површина од 4.500 метри квадратни.
Вкупната инвестиција, според инвеститорите се проценува на 3,5 милиони евра, а се очекува да се отворат 400 работни места.
На отпочнувањето на гредежните работи ќе присуствуваат градоначалникот на Општина Илинден, Жика Стојановски и Отмар Шнајдер, сопственик на компанијата „ Текспорт “.