На азиските берзи во вторникот цените на акциите пораснаа, надоместувајќи ги загубите од претходните денови, па така го следат вчерашниот раст на њујоршки Волстрит додека вложувачите ги чекаат одлуките и пораките од американската централна банка Federal Reserve (Fed) којашто веројатно по третпат во низа ќе ги зголеми клучните каматни стапки за 0,75 или за дури цел процентен поен.
Индексот MSCI на азиско-пацифичките акции без јапонските, во раното претпладневно тргување беа во плус од 0,7 отсто. Притоа на Токиската берза индексот Nikkei зајакна за 0,4 отсто, додека цените на акциите во Шангај, Јужна Кореја, Австралија и Хонгконг пораснаа за меѓу 04, и 1,3 отсто.
Азиските вложувачи беа охрабрени од вчерашниот раст на Волстрит, каде индексот Dow Jones зајакна за 0,64 отсто, S&P 500 порасна за 0,69 а Nasdaq индексот за 0,76 отсто.
Оваа седмица на распоредот се седниците на дури 13 централни банки во светот, а од повеќето од нив се очекува да ги зголемат каматите поради високата инфлација, меѓу другите, и во Швајцарија, Велика Британија и Јужноафриканската Република.
Меѓу ретките исклучоци е јапонската централна банка (BoJ), која најверојатно ќе ја задржи лабавата монетарна политика за да го поддржи економскиот раст. Но просторот за водење попустлива монетарна политика полека се стеснува. Утрово е објавено дека во Јапонија во август темелната стапка на инфлацијата достигнала 2,8 отсто, што е нејзиното нависоко ниво од 2014 година.
Во Австралија, меѓутоа, ситуацијата се чини дека се смирува. Вложувачите утрово беа охрабрени од записникот од последната седница на централните банкари, во кое се истакнува дека тие смеат дека во иднина би можеле да го забават темпото на зголемувањето на каматите.
На валутните пазари вредноста на доларот кон кошницата валути благо падна. Индексот на доларот, кој ја покажува вредноста на американската валута во однос на кошницата од другите шест важни светски валути, се движи околу 104,54 поени, додека во понеделникот во истиот период од тргувањето изнесуваше 109,68 поени.
Притоа курсот на доларот во однос на јапонската валута се лизна од вчерашните 143,05 на 142,95 јени. Американската валута ослаби и во однос на европската, па цената на еврото достигна 1,0030 долари, додека вчера во истиот период изнесуваше 1,0010 долари.
Цените на нафтата, пак, благо пораснаа. Цената на барелот на лондонскиот пазар зајакна за 0,18 отсто, на 92,15 долари, додека на американскиот пазар барелот поскапи за 0,03 отсто, на 85,76 долари.
