Генералниот секретар на Обединетите Нации, Бан Ки Мун ги повика политичките сили во Украина да се воздржат од ескалација на насилството и да започнат преговори, пренесе РИА Новости.
„Генералниот секретар на ОН продолжува постојано и со загриженост да го следи развојот на ситуацијата во Украина. Тој повторно ги повикува страните да избегнуваат ескалација на насилството и повикува да се придржуваат кон демократските принципи за слобода на говорот и организирање на мирни собири. Бан Ки Мун им се обраќа и на двете страни со молба да започнат дијалог меѓу себе и потсетува за потребата да се постигне спогодба меѓу Украинците за иднината на нивната земја“, се вели во соопштението објавено на сајтот на ОН.
