7.8 C
Skopje
петок, март 29, 2024

Белоруските власти им ги укинале акредитациите на странските новинари

Белоруските власти ги укинале акредитациите на новинарите од неколку странски медиуми пред новите големи протести на опозицијата, кои ги оспоруваат резултатите од претседателските избори на 9 август.

Портпаролот на белоруското Министерство за надворешни работи, Анатолиј Глаз изјави дека одлуката е донесена врз основа на препораката на Меѓуресорската комисија за борба против екстремизмот и тероризмот.

Тој не рече колку новинари биле погодени од мерката, но странските медиуми, вклучувајќи ги Би-Би-Си и Радио Либерти, пишуваа за одземање на акредитациите за неколку нивни новинари.

“Белоруското Министерство за надворешни работи ме повика и ме извести дека мојата и акредитацијата на еден мој колега се повлечени, а ние сме дописници на Би-Би-Си. Тие ме замолија да ја вратам прес- картичката “, изјави новинарот Татјана Мелничук за АФП.

Белорускиот претседател Александар Лукашенко, кој е на власт од 1994 година, се соочува со невидени масовни протести, кои траат по спорните избори на 9 август. Лукашенко освои 80 гласа, а опозицијата смета дека тие резултати се лажни.

Опозицијата, предводена од Светлана Тихановскаја, која од страв избега во Литванија, организира два големи протести на 16 и 23 август и планира утре да одржи уште еден голем митинг.

Резултатите од претседателските избори беа одбиени и од Европската унија, која подготвува санкции против високи претставници на белоруската влада. ЕУ го повика Александар Лукашенко да води дијалог со опозицијата, но тој одбива да направи никакви отстапки и го осудува „заговорот на Запад“ и вели дека имаат намера да го симнат од власт.

Првите протести организирани во Белорусија по изборите на 9 август беа насилно растурени, при што загинаа три лица, десетици беа повредени и беа уапсени повеќе од 7.000 демонстранти.

Новинарите кои работат во Белорусија се под притисок и апсења.

Доколку преземете содржина од оваа страница, во целост сте се согласиле со нејзините Услови за користење.