Бесплатниот јавен превоз од денеска се укинува

По еден ден престана да важи одлуката за бесплатен јавен превоз која времено беше донесена како една од пакетот мерки на Град Скопје за намалување на загадувањето на воздухот.

Од ЈСП Скопје информираа дека од денеска во градските автобуси повторно ќе има наплата на билети.

– Согласно податоците од Државниот мониторинг систем за квалитет на амбиенталниот воздух на ден 26.12.2022 година, среднодневните концентрации на РМ10 суспендираните честички се под дефинираниот праг на алармирање од 150 мg/m3, и епизодата од два последователни дена е прекината во Скопје и престануваат да важат препораките и мерките за надминат праг на алармирање, појаснуваат од ЈСП.

Доколку преземете содржина од оваа страница, во целост сте се согласиле со нејзините Услови за користење.